खंड्या: तुझा डोळा का सुजलाय रे?
बंड्या : काल माझ्या बायकोचा वाढदिवस होता. आणि मी तिच्यासाठी केक आणला होता.
खंड्या: अरे, त्याचा डोळा सुजण्याशी काय संंबंध?
बंड्या : अरे, त्या केकवाल्यानं घोळ घातला. बायकोचं नाव तपस्या आहे, अन् त्या मूर्खानं ‘हॅप्पी बर्थ-डे समस्या’ असं लिहिलं...
***
कोलंबसला मराठी बायको असती तर त्याला अमेरिकेचा शोध कधीच लागला नसता...
कारण बायकोने विचारले असते.
कुठे चाललात?
कोणा बरोबर?
कसे जाणार?
... काय शोधायला जातायं?
इकडे मिळणार नाही का?
नेहमी तुम्हीच का?
मी इथे एकटी काय करू?
मी पण येऊ का?
.
.
.
कोलंबस: आता मीच रद्द करतो तिकडं जाणं...
***
बळवंतराव एक दिवस अचानकच गेले...
त्यांच्या बायकोनं एका वृत्तपत्राला फोन करुन ‘ते’ गेल्याची जाहिरात द्यायची ठरवले.
त्यांनी फोन करुन सांगितले, जाहिरातीत छापा बळवंतराव आज सकाळी अचानक गेले.
पलीकडून जाहिरात घेणारा म्हणाला, अहो, शब्द फारच कमी होतात. यात काही शब्द वाढवा.
बायको म्हणाली, तर छापा,बळवंतराव आज सकाळी अचानक गेले. त्यांची सायकल विकायची आहे.
*****
