NOOTANS SNAP_SANJAY MUNDALKAR आयुष्यात वळण नसेल, ते जगणं म्हणता येणार नाही़

 

umred road 

आयुष्य हा रस्ता आणि रस्त्याला वळणं येणारच.

ते कसं पार करायचं, हे आपण आपलं ठरवायचं.

जगातील कुठलाही रस्ता खाचखळग्यांनी भरलेला नसेल, असं सांगणं जरा हिम्मतीचं ठरेल.

त्याच धर्तीवर आयुष्यात वळण नसेल, ते जगणं म्हणता येणार नाही़

गोडीच्या संगतीनं आंबट असावंच आणि आंबटच्या संगतीनं तुरट आणि त्यासंगतीनं 

फिक्कट...

चव आणि बेचव याची रंगतच म्हणजे आयुष्य...

संजय इस्तारी मुंदलकर

NOOTANS SNAP_SANJAY MUNDALKAR वाहतूक नियम न पाळल्याचा हा समाजावर झालेला परिणाम खोल असतो़

 

रस्त्यांवर वाहन चालविताना कुणाला कायदे पाळण्याची, समाजाप्रति कर्तव्यभावना असती, तर

नक्कीच भारतात दरवर्षी लाखो लोकांचा मृत्यू झाला नसता.

वाहतूक नियम न पाळल्याचा हा समाजावर झालेला परिणाम खोल असतो़

दहा मिनिटांत बाजारातून भाजीपाला घेवून येतो, असं सांगणारे बाबा थेट रुग्णालयात 

पोहोचल्याचा निरोप येतो.

सहज फिरावयास गेलेले आजोबाचे शवच घरी आणावे लागते.

आपल्या बाळाला शाळेत पोहोचवून परतणारी कुण्या 

आईचा अपघात झाल्याची बातमी ऐकावयास मिळते.

का होतंय असं? 

कशात रममाण आहोत आपण, की रस्त्यांवर वेगात असलेला ‘यम’बनलोय!

एक हसतं खेळतं कुटुंब कुणाच्या बेजबाबदारीमुळे क्षणात उद्ध्वस्त होतं.

प्रत्येकानं वाहतूक नियम पाळावा...

संजय इस्तारी मुंदलकर

NOOTANS SNAP_SANJAY MUNDALKAR विकास आणि प्रगती त्याच ठिकाणी दिसून येते, जिथे संकेतांचे पालन केले जाते़

 

दोन  कट्टर शत्रूंच्या युद्धात कुण्या सैनिकाने हाती पांढरे निशाण घेवून 

शरणागती स्वीकारल्यास त्याला अभय देण्यात येतं. अर्थात त्याला केवळ बंदी बनवण्यात येतं़

त्याचे प्राण सुरक्षित ठेवण्यात येते, हा एक संकेत असतो आणि जगभरातील

युद्धभूमीत तो पाळण्यात येतो.

संकेत, नियम, अट या बाबी जगाच्या पाठीवर अनन्य साधारण महत्त्व प्राप्त केलेल्या आहेत. त्यांच्या संकल्पना वा पाळण्याच्या धारणा वेगवेगळ्या असल्या तरी मतितार्थ शिस्त हाच असतो.

व्यवहार असो, प्रशासन असो वा कुण्या देशाचा कारभार असो, संकेत वा नियम पाळावेच लागतात.

विकास आणि प्रगती त्याच ठिकाणी दिसून येते, जिथे संकेतांचे पालन केले जाते़

आपल्या देशात वाहतूक नियमांचे संकेत न पाळल्याने होणारी जीवितहानी कधीही भरून

न निघणारी आहे़ शासकीय स्तरवरही ते मान्य झाले आहे़

छायाचित्र पहा़ हा टँकर एका रसायनाने भरून आहे.

नादुरुस्त असल्याने ते वाहन रस्त्यातच धोकादायक स्थितीत उभे ठेवण्यात आले आहे.

कारण संबंधित चालकाने अन्य वाहनांना देण्यात अपेक्षित असलेला इशारा दिलेला नाही.

अर्थात संकेत पाळलेले नाही.

अर्थात काही नुकसान झाल्यास ते भरून निघणार नाही.

संजय इस्तारी मुंदलकर